 |
|
    |
|
| Philippolis waarlik iets om te sien ... | |
| 'n Dorp wat diep in jou siel inkruip. Dis waar bure nog vriende is. Waar die gemeenskap na mekaar omsien. 'n Plek waar jy weer jou eie hartklop kan hoor, maar ook die hartklop van eeue gelede. Philippolis is ryk aan Karoo plantegroei, 'n interessante wildlewe en kan ook spog met 'n voëlparadys. Dié dorp kan daarop roem as die eerste nedersetting in die Vrystaat (1823). Dit het ook gedien as die hoofstad van die Griekwas. (1823-1861) en vandag nog kan jy die Griekwa-invloed in Philippolis sien. Die besondere Karoo-huise waarvan 'n hele paar as nasionale gedenk-waardighede verklaar is en selfs die straatname, roep die kleurryke verlede in herinnering. |
|
Emily Hobhouse het ook in die spesiale dorpie 'n belangrike rol
gespeel. Hier het sy in 1905 'n kant- en weefskool begin om die lot
van die vroue en hulle gesinne na die Anglo Boereoorlog ligter te
maak. |
|
 Adam
Kok, die bekende kaptein van die Griekwas het ook op die dorp sy
merk gemaak. Sy woning en krale is steeds 'n gewilde toeriste
aantreklikheid. .Ook in
Philippolis is daar die Laurens van der Postgedenktuin, die
kunstenaars-oase en die waterlaberint. |
